牙醫葉建文

對葉建文牙醫並無任何不滿，但唔知大家有睇過葉建文牙醫時又有冇遇過呢位咁冇禮貌嘅老女職員呢…葉建文牙科診所有一位女職員短髮中年約五六十歲，她對客人不論接聽電話時或即時對話都非常之無禮貌，我做完檢查要約覆診時間，你想約時間永遠唔可以約到你想約嘅時間，呢個冇禮貌嘅老職員佢問你想約幾點？我問可唔可以早啲，佢又答冇得早呀，朝早要做手術架！咁我話下晝幾點得？佢又叫我自己講幾點，講完又話唔得，我咪再問佢咁幾點先得囉，佢先比個時間我咋，好似玩你咁。 我係因為大牙痛所以去睇葉建文牙醫嘅，牙醫話我係因為智慧齒橫生所以頂住前面隻大牙引致牙痛，要開刀攞隻智慧齒出嚟，事隔大約十日後，我發現大牙痛仍存在。於是有朝早打電話落診所，一聽電話就知道係呢個非常冇禮貌嘅老女職員，我同佢講做完手術後呢幾日我冇點食止痛藥就發現原來我本身牙痛情況仍然存在，依然係咬合時有痛，所以想揾醫生睇吓，呢個老職員把口就即刻好似機關槍咁話：你隻智慧齒頂住前面隻大牙就梗係會痛架啦，你攞咗隻智慧齒出嚟啫，唔代表你唔會再痛嗰喎，可能你隻牙爛咗壞咗呢！醫生都有同你講啦。我話：吓？醫生冇咁樣同我講過喎。佢仲要話醫生一定有同你講嘅，係你自己唔記得啫。佢咁講完真係火都嚟埋，然後佢問我幾時得閒，我話今日可以呀，你可唔可以安排早少少？佢話冇得早少少喎，放咗兩日假今日本身都已經約滿晒，得返旁晚，咁旁晚你得唔得吖？我問佢幾點，佢話咁你6點嚟啦。收線之後我覺得呢個咁冇禮貌嘅老職員對客人態度真係極差呀，所以要寫呢篇嘢評論。反而診所有另一位後生啲嘅女職員長頭髮嘅，佢就完全同老女職員態度相反，對客人有禮貌有講有笑，起碼盡量會幫你安排你想約嘅時間先啦。 幫襯你地比咗七千五蚊出嚟，仲要客人咁樣受你氣，好似個客做咗啲咩得罪咗佢全家咁喎。好好檢討吓啦！做咗咁多年人，咩叫待客之道都未識，叫後生啲有禮貌嗰位女職員教吓你啦嘛