趙長成醫生

本人第一次寫醫生評價.純粹係個人既意見想同大家分享. 話說我上星期去睇趙長成醫生 .本身我唔係睇開佢,但係睇開嗰個放假小朋友又唔舒服所以等唔切佢返. 咁朋友介紹佢所以我就試吓搵佢. 嗰日book左10:30am,上到診所有一大棚人喺度等緊.我等登記都等咗好一段時間. 之後仲要等一個鐘先入得去睇醫生 (或者因為我之前睇開嗰個好有秩序, book咗幾點就幾點,唔會要人等一個鐘. 所以對我來講係有啲耐). 不過呢個都唔係重點，如果你係好嘅我等你一個鐘都無所謂. 好啦,到我嘅時候我就帶我工人入去.當然係我抱住小朋友坐喺醫生隔離. 當時佢好似幾好人仲氹我個仔玩. 咁我一坐低當然快快脆脆講解小朋友發生乜事有乜嘢唔舒服. 但係佢完全冇俾反應個樣仲有啲不屑.佢叫我捉住小朋友隻手唔好俾佢郁. 不過小朋友梗係會周身郁坐唔定，仲要唔舒服..佢就話我捉得佢唔夠實. 我心諗點解冇護士嚟幫吓手呢. 然後個醫生仲要比說話我聽話 “我信你工人多過你”. 個陣時我工人係一貫作風企喺隔離翹埋雙手唔郁. 我聽完之後覺得好諷刺. 佢憑乜嘢話我. 我工人喺屋企做幾多嘢做得幾好佢知咩.? 我平時對我工人有幾勞氣佢又知?佢做唔做到嘢輪到佢評價咩? 然後我好客氣問佢會開幾多隻藥俾小朋友.我純粹想知道. 佢就一嘢同我講小朋友要食幾多就要食. 好似你讀大學，唔會淨係讀一本書就畢業. 其實我係小朋友嘅媽咪點解冇權知道你開幾多隻藥呢？ 始終第一次睇你.問詳細啲有乜嘢唔啱?? 然後我強調要收鼻水嘅藥.佢就講 “我收到你嘅信息你收唔收到我所有講嘅嘢先” 我心諗呢個醫生 好似得佢講無我講咁.呢個醫生好似唔係好想聽病人嘅意見或問題. 成個過程我想快D睇完攞藥就走. 我本人未遇過咁冇禮貌嘅兒科醫生. 貼錢買難受. 我知道有好多媽媽都有睇佢亦都有好多欣賞佢嘅人但係唔會係我. 或者人夾人啦.不過我好肯定唔會介紹佢俾朋友.

本人第一次寫醫生評價.純粹係個人既意見想同大家分享. 話說我上星期去睇趙長成醫生 .本身我唔係睇開佢,但係睇開嗰個放假小朋友又唔舒服所以等唔切佢返. 咁朋友介紹佢所以我就試吓搵佢. 嗰日book左10:30am,上到診所有一大棚人喺度等緊.我等登記都等咗好一段時間. 之後仲要等一個鐘先入得去睇醫生 (或者因為我之前睇開嗰個好有秩序, book咗幾點就幾點,唔會要人等一個鐘. 所以對我來講係有啲耐). 不過呢個都唔係重點，如果你係好嘅我等你一個鐘都無所謂. 好啦,到我嘅時候我就帶我工人入去.當然係我抱住小朋友坐喺醫生隔離. 當時佢好似幾好人仲氹我個仔玩. 咁我一坐低當然快快脆脆講解小朋友發生乜事有乜嘢唔舒服. 但係佢完全冇俾反應個樣仲有啲不屑.佢叫我捉住小朋友隻手唔好俾佢郁. 不過小朋友梗係會周身郁坐唔定，仲要唔舒服..佢就話我捉得佢唔夠實. 我心諗點解冇護士嚟幫吓手呢. 然後個醫生仲要比說話我聽話 “我信你工人多過你”. 個陣時我工人係一貫作風企喺隔離翹埋雙手唔郁. 我聽完之後覺得好諷刺. 佢憑乜嘢話我. 我工人喺屋企做幾多嘢做得幾好佢知咩.? 我平時對我工人有幾勞氣佢又知?佢做唔做到嘢輪到佢評價咩? 然後我好客氣問佢會開幾多隻藥俾小朋友.我純粹想知道. 佢就一嘢同我講小朋友要食幾多就要食. 好似你讀大學，唔會淨係讀一本書就畢業. 其實我係小朋友嘅媽咪點解冇權知道你開幾多隻藥呢？ 始終第一次睇你.問詳細啲有乜嘢唔啱?? 然後我強調要收鼻水嘅藥.佢就講 “我收到你嘅信息你收唔收到我所有講嘅嘢先” 我心諗呢個醫生 好似得佢講無我講咁.呢個醫生好似唔係好想聽病人嘅意見或問題. 成個過程我想快D睇完攞藥就走. 我本人未遇過咁冇禮貌嘅兒科醫生. 貼錢買難受. 我知道有好多媽媽都有睇佢亦都有好多欣賞佢嘅人但係唔會係我. 或者人夾人啦.不過我好肯定唔會介紹佢俾朋友.