邱騏驄醫生

預約時間和實際時間相差太多，完全浪費我時間。 第一點，我預約三點，我呆等了2個鍾。我去問姑娘，我重要等幾多個，姑娘話重有3個到我。我再聽到其他病人話約左醫生2點，醫生成2點幾先返黎。到最後我係5點幾先可以離開到診所。 第二點，我入到去見到醫生，我話喉嚨痛，淨係問簡單問題，就叫我去檢查，醫生話見到喉嚨有啲白點，我已痛到腳都軟，醫生重要用條內窺鏡整痛左我兩次喉嚨同一個位，之後話完成。比我睇返段片，咩都唔解釋，就話要抽組織，我話有冇藥可以食，可以舒緩痛問題，醫生話就算開咩藥比你，你一日唔抽，係唔會舒緩到，我話比我考慮下先，醫生立即話好，已經立即叫我離開。 簡直不知所謂，即是如果我不抽組織，就冇得醫？ 第三點，到埋單時候，重搞笑，要我比6仟幾，我真喺一頭霧水，我話我用醫療卡，應該全包，我之前睇開專科，係唔使比錢。診所姑娘話用 claim form都可以claim到錢。我就話咁點解你地用我張醫療卡時候，唔講要比咗錢先呢？原來係你地唔收卡，我登記時候，你地冇同我講過要比錢。 由登記到應診再離開，根本冇姑娘講要我比錢先或報價之類。 第四點，嘥我時間，一肚氣，仲要自己畀錢先，姑娘態度又差，醫生態度，醫德，乜都差。 第五點，我唔知點解醫生喺度睇緊症嘅時候，會有其他人入咗去醫生房，然後講成十幾廿分鐘先出嚟，喺度大聲笑，大聲說話，重要大聲講不訝語言，我喺度等看醫生，我完全聽到醫生房啲對話，完全喺開緊party一樣，其實醫生有冇理過過我哋感受？ 我唔會再光顧哩間診所，更不會再介紹朋友嚟，因為受左一肚氣，簡直不知所謂