黃德新中醫師

元朗同益商場2樓個個黃德新中醫師，2019年12月17日至2020年1月21日期間佢醫到我肝炎，之後住咗四日三夜醫院，出院時醫生話係中藥引致肝嚴重受損，足足放咗半個月病假，我仲有醫生同住院證明嫁！有圖有真相！好彩發現得早，差啲肝衰竭，睇佢嘅時候，我個肝好健康，無任何肝病。每次去佢到複診，佢就話我食完佢開嘅藥身體有進步，每次都話我腎虛血虛，食完佢開嘅中藥就會好，但食咗佢一個月中藥，其實我感覺越嚟越差，第六次複診亦都係最後一次睇先最離晒譜，越嚟越唔舒服，講埋啲症狀比佢聽，同佢講，無胃口、瞓唔到、小便渾濁普洱茶色、嘔吐、肚瀉、頭痛等等，佢都照開10劑藥俾我，話食完就會好，之後真係頂唔順，身體越嚟越差，到要去睇西醫先知道肝有事，出咗院再同佢理論，佢反而話我誹謗佢，毁壞佢聲譽，超級不負責任，好後悔睇咗佢，錢冇咗都算啦，搞到身體越嚟越差，真係多謝佢。