莊佰豪中醫師

唔知係鋪頭問題定醫師問題,每次去都勁多人排隊. 6:30PM攞籌次次都9點先有得睇. 但係期間見到好多熟客一到即刻有得睇. 打電話唔俾BOOK,屋企人親身去又唔俾BOOK.

本人腰痛加坐骨神經痛多年、經朋友介紹去睇莊伯豪所謂醫師、因為住屯門、所以每星期都大老遠前去睇病、兩星期前後睇咗四次、沒有好轉之如反而加痛咗、每次準時去到仲要等個幾鐘先入房診症、見醫師佢好趕時間、每次急急落完針之後就唔見了、之反過程都係姑娘搞、所謂針灸、什麼超聲波、拔罐都係好求其、每房間冷氣好凍都冇人理、總之等既時間係好長、呢啲所謂醫師俾我感覺只係搵錢冇醫德、好差好差

隻手踭同膊頭打波時同人碰撞咗下，平時路過見到呢個莊佰豪醫師好多人排隊，諗住多人睇實係醫術高明啦！ 點知淨係開頭見到呀莊佰豪醫師一面，針咗幾下，加咗電枝針會跳吓跳吓，之後所有野都係由姑娘代勞，都唔知我係比錢睇醫生定係睇姑娘啦，真係笑大人個口！ 針灸期間覺得心口有啲唔舒服！叫咗一輪，姑娘同呀莊醫師反映咗之後，但都冇人幫我提早掹走啲針同電！跟住個幾日心口都時不時陰陰痛！害到我要去睇急症室檢查心臟！！ 針灸期間已經覺得加咗電好唔舒服，點解冇人幫手跟進？呢間診所根本就冇足夠人手同能力去處理咁多病人，醫唔好不特只，仲要搞到我心臟唔舒服！嘥時間、嘥錢！唔會再幫襯！

庸醫一詞足以解釋！本人家中老人因確診好番，諗住揾中醫調理，聽聞朋友介紹幾好，專登大老遠係葵青帶一個老人家搭車睇，結果覆左四五次診都無好過，依然不斷咳，仲要咳到喉嚨痛返，而家係荃灣睇左第二個，第二次覆診已經無咳

本人住九龍灣，因為wfh導致肩頸酸痛，近近地就去左瑞康（百盛）中醫診所治療，呢個醫師幫我隨便檢查左幾下就針灸，之後全部都係啲姑娘搞，之後同我講小事，係肌肉勞損，但係叫我下次覆診，到下次覆診，我問佢係咪黎埋呢次就得，佢又話最好黎多次，每次診症都係求其落幾針，唔似出面其他診所咁，先檢查，問情況，再治療，一黎就針…同埋佢落針好表淺，好似針皮咁…我之後去柴灣搵另外一個中醫師調理月經講起，佢話莊佰豪係拖症.醫德呢？

小女得3歲, 跌親手後去睇呢個醫師, 照埋X光片佢睇, 佢話只係扭親下無事, 就咁捽啲跌打酒敷藥, 如是者睇左幾次都唔好, 仲要次次攪到阿女勁痛喊晒, 後來我地轉左去醫院睇西醫, 西醫一睇張片就話阿女隻手骨折, 但時間太耐要做手術先好得返. 呢個咁o既莊佰豪, 拖人症仲斷錯症, 離晒譜